Grøn wok for ein liten og ein stor

(eller eventuelt for ein veldig svolten stor)

1/4 lauk, hakka
1 stort fedd kvitlauk, finhakka
1/2 liten brokkoli delt i små "hovud"
1/2 pk sukkererter
2 nevar spinat
1/2 grøn paprika

2 ss raps/soyaolje
1 ss fiskesaus
2 ss soyasaus
2 ss sweet chilisaus

sesamfrø

1 porsjon ris/nudlar


Kok opp ris/nudlar - dette kan gjerast på førehand då det skal steikast saman med resten.
Varm oljen i wokpanne (eller stor steikepanne), ha i lauk og kvitlauk. Hell over fiskesaus og soyasaus. Steik i 2 min (rør ofte), ha i brokkoli, steik vidare i nokre minutt. Ha i sukkererter og paprika. Heilt mot slutten av steiketida har du i spinaten og sweet chilisaus. Rør godt.

Ved servering drysser du over sesamfrø (små barn bør ikkje få i seg for mykje sesamfrø, så ikkje ver for raus på den vesle porsjonen, men sesamfrø inneheld kalsium - noko som er bra for både store og små, så til den vaksne treng du ikkje spare på frøa)

2 comments:

pepperkverna said...

Så fin blogg dere har! Håper det er greit at jeg linker tli dere!? Hege

Speedy Gonzalez said...

Berre kjempekjekt at du linkar Hege! Så bra at du likar bloggen - her er det masse god inspirasjon å hente :)